ജമ്മു കാശ്മീരിൽ ഭീകരാക്രമണം; 2 മരണം

ജമ്മു കശ്മീരിൽ രണ്ടിടത്ത് ഭീകരാക്രമണം. പുൽവാമയിലെ സൈനിക ക്യാമ്പിന് നേരെയുണ്ടായ ആക്രമണത്തിൽ ഒരു സൈനികനും പ്രദേശവാസിയും കൊല്ലപ്പെട്ടു. ഷോപ്പിയാനിൽ സൈനിക വ്യൂഹത്തിന് നേരയുണ്ടായ ബോംബാക്രമണത്തിൽ 3 സൈനികർക്ക് പരിക്കേറ്റു.

നോമ്പു കാലം പ്രമാണിച്ച് കേന്ദ്രസർക്കാർ വെടിനിർത്തൽ പ്രഖ്യാപിച്ച ശേഷം ജമ്മു കശ്മീരിൽ ഇതാദ്യമായാണ് ഭീകരർ അക്രമം അഴിച്ച് വിട്ടത്. പുൽവാമ മേഖലയിൽ കാക്കപുരയിലെ 50 രാഷ്ട്രീയ റൈഫിൽ കാമ്പിന് നേരയാണ് ഭീകരർ വെടിയുതിർത്തത്. സൈന്യവും ശക്തമായി തിരിച്ചടിച്ചു.