ചാനല്‍ ചര്‍ച്ചകളൊന്നും ചെങ്ങന്നൂരില്‍ വിലപോയില്ല: മുഖ്യമന്ത്രി

ബിജെപി അനുകൂല പ്രചാരണം നടത്താന്‍ രാജ്യത്തെ ചില മാധ്യമങ്ങള്‍ കൂട്ടുനില്‍ക്കുന്നുവെന്ന് മുഖ്യമന്ത്രി പിണറായി വിജയന്‍. ചില ദേശീയ മാധ്യമങ്ങളുടെ അതേ കെണിയില്‍ കേരളത്തിലെ മാധ്യമങ്ങളും വീണുപോയിട്ടുണ്ടെന്ന് മുഖ്യമന്ത്രി പറഞ്ഞു. ചെങ്ങന്നൂര്‍ ഉപതിരഞ്ഞെടുപ്പ് ഫലത്തെ കുറിച്ച് സംസാരിക്കുകയായിരുന്നു അദ്ദേഹം. മാധ്യമങ്ങള്‍ ഇടതുപക്ഷത്തിനെതിരെ നടത്തിയ പ്രചാരണങ്ങളൊന്നും ചെങ്ങന്നൂരില്‍ വില പോയില്ലെന്നും മുഖ്യമന്ത്രി പറഞ്ഞു. എല്‍ഡിഎഫ് സര്‍ക്കാരിന് ഷോക്ക് ട്രീറ്റ്‌മെന്റ് നല്‍കാനുള്ള ബിജെപി യുഡിഎഫ് നീക്കം ചെങ്ങന്നൂരില്‍ പാളിപോയെന്നും മുഖ്യമന്ത്രി കൂട്ടിച്ചേര്‍ത്തു.