സൗദി രാജകുമാരന് അൽഖ്വയ്ദ ഭീഷണി

സൗദി കിരീടാവകാശി മുഹമ്മദ് ബിൻ സൽമാൻ രാജകുമാരന് അൽഖ്വയ്ദ ഭീഷണി. വെള്ളിയാഴ്ച പുറപ്പെടുവിച്ച ഒരു ബുള്ളറ്റിനിലാണ് അൽ ഖ്വയ്ദയുടെ മുന്നറിയിപ്പുള്ളത്.

സൗദിയിൽ ഇപ്പോൾ പള്ളികൾക്കുപകരം സിനിമാതിയേറ്ററുകളാണ് മുഹമ്മദ് ബിൻ സൽമാൻ നിർമിക്കുന്നതെന്നും, മതപുരോഹിതരുടെ പുസ്തകങ്ങൾക്കുപകരം മതേതര വാദികളുടെയും അവിശ്വാസികളുടെയും അസംബന്ധങ്ങളാണ് നടപ്പാക്കുന്നതെന്നും പ്രസ്താവനയിൽ പറയുന്നു.

സിനിമാതിയേറ്ററുകൾക്ക് പ്രവർത്തനാനുമതി, വനിതകൾക്ക് ഡ്രൈവിങ്ങ് ലൈസൻസ് തുടങ്ങി അധികാരമേറ്റെടുത്തത് മുതൽ നിരവധി നല്ല പരിഷ്‌കരണങ്ങളാണ് സൗദി രാജകുമാരൻ രാജ്യത്ത് നടപ്പാക്കിയത്.