26
Jun 2018
Tuesday

എടപ്പാള്‍ പീഡനം; തിയറ്റര്‍ ഉടമയെ അറസ്റ്റ് ചെയ്ത പോലീസ് നടപടിക്കെതിരെ വ്യാപക വിമര്‍ശനം

changaramkulam si arrested in connection with theater rape

എടപ്പാളിലെ സിനിമാ തിയറ്റര്‍ പീഡനത്തെ തുടര്‍ന്ന് പോലീസ് അറസ്റ്റ് ചെയ്ത ശാരദ തിയറ്റര്‍ ഉടമ സതീഷിനെ ജാമ്യത്തില്‍ വിട്ടു. പ്രതി പീഡിപ്പിക്കുന്നതിന്റെ ദൃശ്യങ്ങള്‍ പ്രചരിപ്പിച്ചുവെന്നും പീഡനവിവരം കൃത്യസമയത്ത് അറിയിച്ചില്ലെന്നും ചൂണ്ടിക്കാട്ടിയാണ് ഇ.സി. സതീഷിനെ പോലീസ് അറസ്റ്റ് ചെയ്തത്.

എന്നാല്‍, തിയറ്റര്‍ ഉടമയെ അറസ്റ്റ് ചെയ്തത് പോലീസിന്റെ പ്രതികാര നടപടിയാണെന്ന് പ്രമുഖര്‍ പ്രതികരിച്ചു. തിയറ്റര്‍ പീഡനത്തില്‍ ചൈല്‍ഡ് ലൈന്‍ പ്രവര്‍ത്തകര്‍ വഴി പരാതി ലഭിച്ചിട്ടും പോലീസ് നടപടി സ്വീകരിക്കാന്‍ വൈകിയെന്ന് വ്യാപക വിമര്‍ശനമുണ്ടായിരുന്നു. തിയറ്റര്‍ ഉടമ ദൃശ്യം പ്രചരിപ്പിച്ചതോടെയാണ് പോലീസ് ഈ കേസില്‍ ഇടപെടാന്‍ തയ്യാറായതെന്നാണ് വിമര്‍ശനം. ഇക്കാരണത്താല്‍ തിയറ്ററിനോടുള്ള പ്രതികാര നടപടിയാണ് പോലീസ് സ്വീകരിച്ചതെന്ന് പ്രതിപക്ഷ നേതാവ് രമേശ് ചെന്നിത്തല, മുന്‍ ഡിജിപി സെന്‍കുമാര്‍, വനിതാ കമ്മീഷന്‍ അധ്യക്ഷ എം.സി. ജോസഫൈന്‍ തുടങ്ങിയവര്‍ പ്രതികരിച്ചു.

കേ​സി​ലെ മു​ഖ്യ​പ്ര​തി​യാ​യ മൊ​യ്തീ​ൻ​കു​ട്ടി നിലവിൽ റി​മാ​ൻ​ഡി​ലാ​ണ്. ഏ​പ്രി​ല്‍ 18നാ​യി​രു​ന്നു സം​ഭ​വം. മൊ​യ്തി​കു​ട്ടി തി​യ​റ്റ​റി​ൽ​വ​ച്ച് ഒ​പ്പ​മു​ണ്ടാ​യി​രു​ന്ന കു​ട്ടി​യെ പീ​ഡി​പ്പി​ക്കു​ക​യാ​യി​രു​ന്നു. മൊ​യ്തി​ൻ​കു​ട്ടി​ക്കൊ​പ്പം മ​റ്റൊ​രു സ്ത്രീ​ കൂ​ടി ഉ​ണ്ടാ​യി​രു​ന്നു.

ഏപ്രിൽ 26ന് തി​യ​റ്റ​റി​ലെ സി​സി​ടി​വി ദൃ​ശ്യ​ങ്ങ​ൾ സ​തീ​ഷ​ൻ ചൈ​ൽ​ഡ് ലൈ​ൻ അ​ധി​കൃ​ത​ർ​ക്ക് കൈ​മാ​റി​യ​തി​നെ​ത്തു​ട​ർ​ന്നു ചൈ​ൽ​ഡ് ലൈ​ൻ പോ​ലീ​സി​നു പ​രാ​തി ന​ൽ​കു​കാ​യി​രു​ന്നു. ര​ണ്ട് ത​വ​ണ പ​രാ​തി ന​ൽ​കി​യി​ട്ടും ന​ട​പ​ടി ഉ​ണ്ടാ​കാ​തി​രു​ന്ന സം​ഭ​വം മാ​ധ്യ​മ​ങ്ങ​ൾ വ​ഴി പു​റ​ത്ത​റി​ഞ്ഞ​തോ​ടെ​യാ​ണ് പ്ര​തി​യെ പോ​ലീ​സ് അ​റ​സ്റ്റ് ചെ​യ്ത​ത്.

AR Rahman Show
Top