നിപ; ഹർത്താലും മാറ്റിവച്ചു

ഇടുക്കിയിൽ യുഡിഎഫ് പ്രഖ്യാപിച്ച ഹർത്താൽ മാറ്റി. നിപയുടെ പശ്ചാത്തലത്തിൽ ആരോഗ്യ വകുപ്പിന്റെ അഭ്യർത്ഥന പ്രകാരമാണ് ഹർത്താൽ മാറ്റിയത്. ജൂൺ 7ന് നടത്താൻ നിശ്ചയിച്ചിരുന്ന ഹർത്താൽ ജൂൺ 30ലേക്കാണ് മാറ്റിയത്. ഇടുക്കിയിലെ ഭൂപ്രശ്നങ്ങളിൽ പരിഹാരം കാണുന്നതിൽ സർക്കാർ പരാജയപ്പെട്ടെന്ന് ആരോപിച്ചായിരുന്നു ഹർത്താലിന് ആഹ്വാനം ചെയ്തത്.