ലൈംഗിക പീഡനം; ഡിഐജിക്കും ഡിഎസ്പിക്കും പത്തുവർഷം തടവ്

ലൈംഗിക പീഡനക്കേസിൽ മുൻ ഡിഐജി അടക്കം അഞ്ചുപേർക്ക് പത്തുവർഷം തടവ്. പ്രായപൂർത്തിയായ പെൺകുട്ടി പീഡിപ്പിക്കപ്പെട്ട കേസിൽ പ്രത്യേക കോടതി വിധി പറഞ്ഞത് ഇന്നലെയാണ്.

ബിഎസ്എഫ് മുൻ ഡിഐജി കെ എസ് പഥി, ജമ്മു കാഷ്മീർ പോലീസ് മുൻ ഡിഎസ്പി മുഹമ്മദ് അഷ്‌റഫ് മിർ, മൂന്നു പ്രദേശവാസികൾ എന്നിവരാണു ശിക്ഷിക്കപ്പെട്ടത്. ഇവർ കുറ്റക്കാരാണെന്നു കോടതി നേരത്തെ വിധിച്ചിരുന്നു. കേസിൽ കുറ്റവിമുക്തരാക്കപ്പെട്ടവരിൽ ജമ്മു കാഷ്മീർ മുൻ അഡീഷണൽ അഡ്വക്കേറ്റ് ജനറലും ഉൾപ്പെടുന്നു. 2006ലാണ് കേസിനു ആസ്പദമായ സംഭവം നടന്നത്.