കട്ടിപ്പാറ ഉരുള്‍പൊട്ടല്‍; ഒരു മൃതദേഹം കൂടി കണ്ടെടുത്തു

കട്ടിപ്പാറ ഉരുള്‍പൊട്ടലില്‍ കാണാതായ ഒരാളുടെ മൃതദേഹം കൂടി കണ്ടെടുത്തു. നേരത്തെ മരിച്ച ഹസ്സന്റെ ഭാര്യ ആസ്യയുടെ മൃതദേഹമാണ് കണ്ടെടുത്തത് ഇതോടെ ഉരുള്‍പൊട്ടലില്‍ മരിച്ചവരുടെ എണ്ണം 13 ആയി. പ്രതികൂല കാലാവസ്ഥയിലും ദുരന്തനിവാരണ സേനയും ജില്ലാ ഭരണകൂടവും തെരച്ചില്‍ തുടരുകയാണ്.  തെരച്ചില്‍ കൂടുതല്‍ താഴ്ന്ന മേഖലകളിലേക്ക് വ്യാപിപ്പിച്ചിട്ടുണ്ട്. ഇനി ഒരാളെകൂടിയാണ് കണ്ടെത്താനുള്ളത്.