തൊടുപുഴ നഗരസഭാ ഭരണം എല്‍ഡിഎഫിന്

തൊടുപുഴ നഗരസഭാ ഭരണം എല്‍ഡിഎഫിന്. നറുക്കെടുപ്പിലൂടെയാണ് എല്‍ഡിഎഫിന് ഭരണം ലഭിച്ചത്. എല്‍ഡിഎഫിലെ മിനി മധു ചെയര്‍പേഴ്‌സണായി തിരഞ്ഞെടുക്കപ്പെട്ടു. യുഡിഎഫിലെ ധാരണയെ തുടര്‍ന്ന് ചെയര്‍പേഴ്‌സണായിരുന്ന മുസ്ലീം ലീഗ് അംഗം സഫിയ ജബാര്‍ രാജിവെച്ചിരുന്നു. തുടര്‍ന്ന്, കേരളാ കോണ്‍ഗ്രസ് മാണി ഗ്രൂപ്പിനാണ് ചെയര്‍പേഴ്‌സണ്‍ സ്ഥാനം നീക്കിവെച്ചിരുന്നത്. ഇന്ന് നടന്ന വോട്ടെടുപ്പില്‍ ഒരു യുഡിഎഫ് അംഗത്തിന്റെ വോട്ട് അസാധുവായി. ഇതിനെ തുടര്‍ന്നാണ് നറുക്കെടുപ്പ് നടന്നത്. നിലവില്‍ എല്‍ഡിഎഫ് 13, യുഡിഎഫ് 14, ബിജെപി എട്ട് എന്നിങ്ങനെയാണ് കക്ഷിനില.