അമ്മയുടെ ഭാരവാഹികൾ ഇന്ന് ചുമതലയേൽക്കും

താരസംഘടനയായ അമ്മയുടെ പുതിയ ഭാരവാഹികൾ ഇന്ന് ചുമതലയേൽക്കും. അമ്മയുടെ ഒരു വർഷത്തെ പ്രവർത്തനങ്ങൾ വിലയിരുത്തുന്ന ജനറൽ ബോഡി യോഗം ഇന്ന് കൊച്ചിയിൽ നടക്കും. നടി ആക്രമിക്കപ്പെട്ടതുമായി ബന്ധപ്പെട്ട വിഷയങ്ങൾ യോഗത്തിൽ ചർച്ചയാകില്ല. ഇത്തവണ മാധ്യമങ്ങൾ യോഗ നടപടികൾ റിപ്പോർട്ട് ചെയ്യുന്നതിനും വിലക്കുണ്ട്.

മോഹൻലാലിനെ പ്രസിഡന്റായും ഇടവേള ബാബുവിനെ ജനറൽ സെക്രട്ടറിയായും ജനറൽ ബോഡി ഏകകണ്‌ഠേന തെരഞ്ഞെടുക്കും. സെക്രട്ടറിയായി സിദ്ദീഖും വൈസ് പ്രസിഡന്റുമാരായി മുകേഷും ഗണേഷ് കുമാറും ട്രഷററായി ജഗദീഷും ഇന്ന് ചുമതലയേൽക്കും.

കഴിഞ്ഞ ജനറൽ ബോഡിയിൽ മാധ്യമങ്ങളും അമ്മയിലെ ഭാരവാഹികളും തമ്മിലുണ്ടായ പ്രശ്‌നങ്ങളുടെ ഭാഗമായാണ് അമ്മയുടെ ജനറൽ ബോഡിയിൽ മാധ്യമ വിലക്ക് ഏർപ്പെടുത്തിയത്.