മാതൃമരണനിരക്ക് ഏറ്റവും കുറവ് കേരളത്തിൽ; ദേശീയ പുരസ്‌കാരം ഏറ്റുവാങ്ങി ആരോഗ്യമന്ത്രി

രാജ്യത്ത് ഏറ്റവും കുറഞ്ഞ മാതൃമരണ നിരക്ക് രേഖപ്പെടുത്തിയതിനുള്ള ദേശീയ പുരസ്‌കാരം കേരളം ഏറ്റുവാങ്ങി. ഡൽഹിയിൽ നടന്ന ചടങ്ങിൽ ആരോഗ്യമന്ത്രി കെ കെ ശൈലജ കേന്ദ്ര ആരോഗ്യമന്ത്രി ജെപി നദ്ദയിൽ നിന്നുമാണ് പുരസ്‌കാരം ഏറ്റുവാങ്ങിയത്. നിലവിൽ ഒരുലക്ഷത്തിൽ 46 ആയ മാതൃ മരണ നിരക്ക് 2020 ഓടെ 30 ആയി കുറയ്ക്കാനാണ് ലക്ഷ്യമിടുന്നതെന്ന് മന്ത്രി കെ കെ ശൈലജ പറഞ്ഞു.

2014 2016 വർഷത്തെ മാതൃമരണ നിരക്കിന്റെ ഔദ്യോഗിക കണക്കുകൾ രജിസ്റ്റർ ജനറൽ ഓഫ് ഇന്ത്യയാണ് പുറത്ത് വിട്ടിരുന്നത്. ഈ കണക്കുകൾ പ്രകാരം കേരളത്തിലെ മാതൃമരണ നിരക്ക് ലക്ഷത്തിൽ 46ആണ്. ദേശീയ തലത്തിൽ മാതൃമരണനിരക്ക് 130 ഉള്ളപ്പോഴാണ് കേരളം ഈ നേട്ടം കൈവരിച്ചിരിക്കുന്നത്.