Advertisement

വ്യാപാരയുദ്ധത്തിൽ നിറം മങ്ങി സ്വർണ്ണം

July 3, 2018
Google News 0 minutes Read
gold rate crashes in international market

അമേരിക്കയും മറ്റ് സമ്പദ് വ്യവസ്ഥകളുമായി നിലനിൽക്കുന്ന വ്യാപാര യുദ്ധം സ്വർണ്ണത്തിളക്കവും കുറച്ചു. രാജ്യാന്തര വിപണിയിൽ ഇന്ന് സ്വർണ്ണവില ഇടിയുകയായിരുന്നു. കഴിഞ്ഞ വെള്ളിയാഴ്ചയാണ് 3,400 കോടി ഡോളർ മൂല്യമുള്ള ചൈനീസ് ഇറക്കുമതിക്കു മേൽ 25% നികുതി അമേരിക്ക ഏർപ്പെടുത്തിയത്. ഓഗസ്റ്റ് ഡെലിവറിക്കുള്ള ഗോൾഡ് ഫ്യൂച്ചറുകൾക്ക് 0.17% ഇടിവാണുണ്ടായത്. ട്രോയ് ഔൺസിന് 1.239.60 ഡോളറായി വില കുറഞ്ഞു.

സാധാരണ സാമ്പത്തിക പ്രതിസന്ധികളിൽ പോലും സ്വർണ്ണവില സ്ഥിരമായി നിലനിൽക്കുകയാണ് പതിവ്. എന്നാൽ ഇതിന് വിരുദ്ധമായി സ്വർണ്ണവിലയിൽ സ്ഥിരതയില്ലായ്മയാണ് കണ്ടുവരുന്നത്. ഡോളറിന്റെ മൂല്യം കുത്തനെ ഉയരുന്നതും സ്വർണ്ണ നിക്ഷേപത്തിൽ നിന്ന് പിന്മാറാൻ ആളുകളെ പ്രേരിപ്പിക്കുന്നു.

ആ വർഷം വീണ്ടും നാലുതവണ കൂടി പലിശ നിരക്കുയർത്താൻ ഫെഡറൽ റിസർവിന് പദ്ധതിയുള്ളതായി സൂചനകളുണ്ട്. ഇത് സ്വർണ്ണവില വീണ്ടും കുറയാനിടയാക്കാനാണ് സാധ്യത. സിൽവർ ഫ്യൂച്ചറുകളുടെ വില മാറ്റമില്ലാതെ തുടരുന്നു. പ്ലാറ്റിനം ഫ്യൂച്ചറുകൾക്ക് 1.84% വിലയിടിഞ്ഞു. 805.70 ഡോളറാണ് ഔൺസിന് വില.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here