കെവിൻ വധത്തിൽ പങ്കില്ലെന്ന് നീനുവിന്റെ അമ്മ

കെവിൻ വധക്കേസിലെ ഗൂഢാലോചനയിൽ യാതൊരു പങ്കുമില്ലെന്ന് നീനുവിന്റെ മാതാവ് രഹ്ന. നീനുവിന് മാനസിക പ്രശ്‌നങ്ങളുണ്ട്. അതറിയാവുന്നതു കൊണ്ടാണ് സ്‌റ്റേഷനിൽനിന്ന് കൊണ്ടുപോകാൻ ശ്രമിച്ചതെന്നും രഹ്ന പറഞ്ഞു.

നീനുവിനോട് അടുപ്പം കാണിക്കുന്നവരെ ഭയപ്പെടുത്താറുണ്ടായിരുന്നു എന്ന ആരോപണം തെറ്റാണ്. കെവിനുമായി അടുപ്പമുണ്ടെന്ന് നീനു പറഞ്ഞിട്ടില്ല. പറഞ്ഞാൽ ഉറപ്പായും വിവാഹം നടത്തിക്കൊടുക്കുമായിരുന്നുവെന്ന് രഹ്ന പറഞ്ഞു. കോട്ടയത്ത് മാധ്യമപ്രവർത്തകരോട് സംസാരിക്കുകയായിരുന്നു അവർ.