വിദ്യാര്‍ത്ഥിയെ ക്രൂരമായി അടിച്ച അധ്യാപികയ്ക്ക് സസ്പെന്‍ഷന്‍

വണ്ടിപ്പെരിയാറിലെ സര്‍ക്കാര്‍ സ്ക്കൂളില്‍ ഒന്നാം ക്ലാസുകാരനെ ക്രൂരമായി മര്‍ദ്ദിച്ച അധ്യാപിക ഷീലയ്ക്ക് സസ്പെന്‍ഷന്‍. എഴുതിയത് വളഞ്ഞ് പോയതിനാണ് അധ്യാപിക ഒന്നാം ക്ലാസുകാരന്‍ ഹരീഷിനെ ചൂരലുകൊണ്ട് പുറത്ത് ക്രൂരമായി മര്‍ദ്ദിച്ചത്. 12പാടുകളാണ് കുട്ടിയുടെ പുറത്ത് ഉള്ളത്. കുളിപ്പിക്കുന്നതിനിടെ അമ്മ ഭാഗ്യലക്ഷ്മിയാണ് ഹരീഷിന്റെ പുറത്തെ പാടുകള്‍ കണ്ടത്. പിന്നീട് കുട്ടി തന്നെ അധ്യാപിക മര്‍ദ്ദിച്ച വിവരം പുറത്ത് പറയുകയായിരുന്നു. അമ്മ, അച്ഛന്‍ എന്ന് എഴുതിയത് വളഞ്ഞ് പോയതിനാണ് അടിച്ചത്. ബുധനാഴ്ചയാണ് സംഭവം. കുട്ടിയെ വണ്ടിപ്പെരിയാര്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.