തെലുങ്ക് സംസാരിച്ച് മമ്മൂട്ടി; ‘യാത്ര’യില്‍ ആന്ധ്രയുടെ സ്വന്തം വൈഎസ്ആര്‍ (ടീസര്‍ കാണാം)

ആന്ധ്രാപ്രദേശ് മുന്‍ മുഖ്യമന്ത്രി വൈ.എസ്. ആര്‍ രാജശേഖര റെഡ്ഡിയുടെ (വൈഎസ്ആര്‍) ജീവിതകഥ പറയുന്ന തെലുങ്ക് ചിത്രം ‘യാത്ര’യുടെ ഒഫീഷ്യല്‍ ടീസര്‍ പുറത്തിറക്കി. മമ്മൂട്ടിയാണ് വൈ.എസ്.ആറായി ചിത്രത്തില്‍ വേഷമിടുന്നത്. വൈഎസ്ആറിന്റെ ജന്മദിനത്തോടനുബന്ധിച്ചാണ് ചിത്രത്തിന്റെ ആദ്യ ടീസര്‍ പുറത്തിറക്കിയിരിക്കുന്നത്. മമ്മൂട്ടിയുടെ തെലുങ്ക് ഭാഷയിലുള്ള ഡയലോഗ് ഡെലിവറിയാണ് ടീസറിന്റെ പ്രധാന ആകര്‍ഷണം. മാഹി വി. രാഘവാണ് ചിത്രം സംവിധാനം ചെയ്തിരിക്കുന്നത്.