കരച്ചിൽ നിർത്താത്തതിന് കുട്ടിയുടെ വായിൽ മുളകുപൊടി തേച്ച് അംഗൻവാടി ജീവനക്കാരി

കുട്ടി കരച്ചിൽ നിർത്താത്തതിനെ തുടർന്ന് അംഗൻവാടി ജീവനക്കാരി വായിൽ മുളകുപൊടി തേച്ചു. ആന്ധ്രാപ്രദേശിലെ കൃഷ്ണ ജില്ലയിലുള്ള ബുഷംഗ ഗ്രാമത്തിലാണ് സംഭവം നടന്നത്.

എല്ലാ ദിവസവും കുട്ടിയെ അംഗൻവാടിയിൽ ഏൽപിച്ചാണ് കുട്ടിയുടെ അമ്മ ജോലിക്ക് പോകുന്നത്. അംഗൻവാടിയിൽ പോകാൻ ഇഷ്ടമില്ലാത്ത കുട്ടിയെ നിർബന്ധിച്ചാണ് ഇവിടേക്ക് കൊണ്ടുവരുന്നത്. അമ്മ പോയതിന് പിന്നാലെ കുട്ടി കരയാൻ തുടങ്ങി. കുട്ടിയുടെ കരച്ചിൽ മാറ്റാൻ അംഗൻവാടി ജീവനക്കാരിയായ കുമാരി ശ്രമിച്ചെങ്കിലും പരാജയപ്പെട്ടു. തുടർന്ന് കുപിതയായ ജീവനക്കാരി കുട്ടിയുടെ വായിൽ മുളക് പൊടി തേക്കുകയായിരുന്നു. പ്രദേശവാസികളും കുട്ടിയുടെ രക്ഷിതാക്കളും സംഭവത്തിനെതിരെ പരാതി നൽകിയതായി അധികൃതർ അറിയിച്ചു.