യുഎഇയില്‍ ‘പാട്ടിന്റെ പൂക്കാലം’; ഫ്ളവേഴ്‌സ് എഫ്എം ‘ടോപ് ത്രീ’യില്‍

യുഎഇയിലെ മലയാളം എഫ്എം സ്റ്റേഷനുകളില്‍ ശ്രദ്ധേയനേട്ടം കൈവരിച്ച് ഫ്ളവേഴ്‌സ് എഫ്എം 94.7. 2018-ലെ പുതിയ ഇപ്‌സോസ്(IPSOS) റെയ്റ്റിംഗ് അനുസരിച്ച് ‘ടോപ്പ് 3 ‘ പട്ടികയില്‍ ഫ്ളവേഴ്‌സ് എഫ്എം ഇടംനേടി. കൂടുതല്‍ ശ്രോതാക്കളുള്ള എഫ്എം സ്റ്റേഷനുകളുടെ പട്ടികയിലാണ് ഫ്ളവേഴ്‌സ് , ‘ടോപ് ത്രീ’ യായത് . പ്രക്ഷേപണം തുടങ്ങി ഒരു വര്‍ഷത്തിനുള്ളിലാണ് ഈ നേട്ടം.

വൈവിധ്യമാര്‍ന്ന വിനോദ പരിപാടികളാണ്  ഫ്ളവേഴ്‌സ് എഫ്എമ്മിന്റെ മുഖമുദ്ര. ഓരോ മണിക്കൂര്‍ ഇടവിട്ട് വാര്‍ത്താ പ്രക്ഷേപണവുമുണ്ട്.ഫ്ളവേഴ്‌സ് ടിവി നെറ്റ്‌വര്‍ക്കിന്റെ കീഴില്‍ 2017 മെയ് 7 -നാണ്  ഫ്ളവേഴ്‌സ് എഫ്എം ആരംഭിച്ചത്. ഗോപീസുന്ദര്‍ ഈണമിട്ട എഫ്എം ടൈറ്റില്‍ സോംഗും ഏറെ ശ്രദ്ധ നേടിയിരുന്നു.

Flowers FM