16
Oct 2018
Tuesday
24 - Comming soon

എങ്ങനെയാണ് ഇടുക്കി ജലസംഭരണി നിറഞ്ഞ് ചെറുതോണി ഷട്ടര്‍ തുറന്നത്? പിള്ളേര് പറഞ്ഞു തരും

dam miniature

ഇടുക്കി ഡാം നിറയുന്നുവെന്നും, ചെറുതോണി ഡാമിന്റെ ഷട്ടര്‍ തുറന്നുവെന്നുമൊക്കെയുള്ള വാര്‍ത്തകള്‍ കണ്ടിട്ടും പത്രങ്ങളായ പത്രങ്ങളില്‍ വായിച്ചിട്ടും ഇടുക്കി ഡാമിന് ഷട്ടറില്ലെന്ന് അറിയാത്തവരുണ്ട്. അവര്‍ ഈ വീഡിയോ ഒന്ന് കണ്ണ് തുറന്ന് കാണണം. കാരണം ഈ ഒമ്പത് കുട്ടികള്‍ ചേര്‍ന്ന് ഉണ്ടാക്കിയത് ഒരു മിനി ഇടുക്കി ജല സംഭരണിയും, ഡാമുമാണ്. ഒരു വയലിന്റെ കരയില്‍ ചളിയും കല്ലുകളും ചേര്‍ന്നാണ് ഇതെല്ലാം ഈ കുട്ടികള്‍ ഒരുക്കിയിരിക്കുന്നത്. വെറുമൊരു ഒരു വര്‍ക്കിംഗ് മോഡലല്ലിത്. ഷട്ടറുകളുള്ള ഡാമും വെള്ളം ഒഴുപോകുന്നിടങ്ങളിലെ വീടുകളുമെല്ലാമടക്കം ഒരു മിനി ഇടുക്കി തന്നെയാണ് കുട്ടികള്‍ തയ്യാറാക്കിയിരിക്കുന്നത്. ചെറുപ്പക്കാര്‍ വീഡിയോ കുട്ടികളുടെ വീഡിയോ എടുത്ത് സോഷ്യല്‍ മീഡിയയില്‍ ഷെയര്‍ ചെയ്യുകയായിരുന്നു. ഈ വീഡിയോ ഇപ്പോള്‍ സോഷ്യല്‍ മീഡിയയില്‍ ഹിറ്റാണ്.

കനത്ത മഴയില്‍ അവധി കിട്ടിയിരിക്കുമ്പോള്‍ തന്നെയാണ് കുട്ടികളുടെ ഈ കരവിരുത്. ഇവരുടെ കഴിവ് മാത്രമല്ല ഒരു അവധി ലഭിക്കുമ്പോള്‍ സ്മാര്‍ട് ഫോണും ടിവിയുമായി വീട്ടില്‍ ഒതുങ്ങുന്ന ബാല്യത്തില്‍ നിന്ന് മണ്ണിലേക്ക് മടങ്ങുന്ന ഈ ബാല്യം കൂടി ഒരു പ്രതീക്ഷയാണ്.

Top