ഐക്യൂവിൽ ഐൻസ്റ്റൈനെ കടത്തിവെട്ടി ഒരു മൂന്നുവയസ്സുകാരി
ഐക്യൂവിൽ ഐൻസ്റ്റൈനെ കടത്തിവെട്ടി ഒരു മൂന്നുവയസ്സുകാരി. ബ്രിട്ടൻ സ്വദേശി ഒഫീലിയ മോർഗനാണ് ഈ നേട്ടം സ്വന്തമാക്കിയത്.
ഒരു വയസ്സിന് മുമ്പുതന്നെ പലകാര്യങ്ങളും ഒഫീലിയയ്ക്ക് മനപ്പാഠമായിരുന്നു. അമ്മയാണ് മകളുടെ ഈ പ്രത്യേകതകൾ ആദ്യം തിരിച്ചറിഞ്ഞത്. പിന്നീട് വിദഗ്ധരുടെ നിർദേശമനുസരിച്ച് നടത്തിയ ഐക്യൂ ടെസ്റ്റിലാണ് ഒഫീലിയയുടെ ഐക്യൂ ലെവൽ ആൽബർട്ട് ഐൻസ്റ്റൈനേക്കാൾ കൂടുതലാണെന്ന് തെളിഞ്ഞത്.
ഐക്യൂ ടെസ്റ്റിൽ 171 സ്കോറാണ് ഒഫീലിയ നേടിയത്. ഇതോടെ ലോകത്തിലെ ഏറ്റവും പഴക്കമുള്ളതും വലുതുമായ ഐക്യു സൊസൈറ്റിയായ മെൻസയിലെ അംഗമായിരിക്കുകയാണ് ഒഫീലിയ.
ഐ.ക്യൂ ലെവലിൽ മുൻപന്തിയിൽ നിന്നിരുന്ന 11കാരൻ അർണവ് ശർമയുടെയും, 12കാരൻ രാഹുലിൻറയും റെക്കോഡ് ഭേദിച്ചാണ് ഈ കൊച്ചുമിടുക്കി ചരിത്രം കുറിച്ചത്. ഇവരുടെ സ്കോർനില 162 ആയിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here