ഇന്തോനേഷ്യയിലുണ്ടായ ഭൂചലനം; മരണസംഖ്യ 400 ആയി

ഇന്തോനേഷ്യയിലുണ്ടായ ഭൂചലനത്തിൽ മരിച്ചവരുടെ എണ്ണം 400 ആയി. വിനോദസഞ്ചാര മേഖലകളായ ബാലി, ലോംബോക്ക് ദ്വീപുകളിലാണ് ശക്തമായ ഭൂചലനം അനുഭവപ്പെട്ടത്. തകർന്ന കെട്ടിടങ്ങളുടെ അവശിഷ്ടങ്ങളിൽ നിന്ന് മൃതദേഹങ്ങൾ കണ്ടെടുത്തതായും ആളുകൾ കുടുങ്ങി കിടക്കുന്നതായും അധികൃതർ അറിയിച്ചു.

ഓഗസ്റ്റ് അഞ്ചിന് ഉണ്ടായ അതിശക്തമായ ഭൂചലനത്തിൽ 10000 വീടുകളും, പള്ളികളും, ബിസിനസ്സ് സ്ഥാപനങ്ങളുമാണ് തകർന്ന് വീണത്. ഭൂചലനത്തിൽ 1300 പേർക്ക് പരുക്കേറ്റിട്ടുണ്ട്. 3,53,000 പേരെ മാറ്റിപാർപ്പിക്കുകയും ചെയ്തിട്ടുണ്ട്.