മുല്ലപ്പെരിയാറില്‍ ജലനിരപ്പ് ഉയരുന്നു; അടിയന്തര നടപടി വേണമെന്ന് കേരളം

മുല്ലപ്പെരിയാര്‍ ഡാമില്‍ ക്രമാതീതമായി ജലനിരപ്പ് ഉയരുന്ന സാഹചര്യത്തില്‍ തമിഴ്‌നാട് അടിയന്തരമായി ഇടപെടണമെന്ന് കേരളം. മുല്ലപ്പെരിയാറില്‍ നിന്ന് തമിഴ്‌നാട് കൊണ്ടുപോകുന്ന വെള്ളത്തിന്റെ അളവ് വര്‍ധിപ്പിക്കണമെന്നാണ് കേരളത്തിന്റെ ആവശ്യം. ഒരു കാരണവശാലും ജലനിരപ്പ് 142 അടിയിലേക്ക് എത്തിക്കരുതെന്ന് കേരളം ആവശ്യപ്പെടും. ഇക്കാര്യങ്ങള്‍ തമിഴ്‌നാടിന്റെ ശ്രദ്ധയില്‍ പെടുത്താനായി മുഖ്യമന്ത്രി പിണറായി വിജയന്‍ തമിഴ്‌നാട് മുഖ്യമന്ത്രിയെ ഫോണില്‍ ബന്ധപ്പെടും. മുഖ്യമന്ത്രി വിളിച്ച ഉന്നതതലയോഗത്തിലാണ് തീരുമാനം.