അമേരിക്കയിൽ നിന്നും ഇറക്കുമതി ചെയ്യുന്ന ഇലക്ട്രോണിക് ഉപകരണങ്ങൾക്ക് വിലക്കേർപ്പെടുത്തും : തുർക്കി പ്രസിഡന്റ്

അമേരിക്കയിൽ നിന്നും ഇറക്കുമതി ചെയ്യുന്ന ഇലക്ട്രോണിക് ഉപകരണങ്ങൾക്ക് വിലക്കേർപ്പെടുത്തുമെന്ന് തുർക്കി പ്രസിഡന്റ് റജബ് ത്വയ്യിബ് ഉർദുഗാൻ. അങ്കാറയിൽ നടന്ന ഒരു ചടങ്ങിലാണ് ഉർദുഗാന്റെ ആഹ്വാനം.

തുർക്കിക്ക് മേൽ അമേരിക്ക സാമ്പത്തിക ഉപരോധം ഏർപ്പെടുത്തിയതിനെ തുടർന്ന് തുർക്കി കറൻസിയായ ലിറയുടെ മൂല്യം കുത്തനെ ഇടിഞ്ഞിരുന്നു. ഈ സാഹചര്യത്തിലാണ് അമേരിക്കക്കെതിരെ തുർക്കിയുടെ നീക്കം.

തുർക്കിയിൽ നിന്നുള്ള അലൂമിനിയം സ്റ്റീൽ കയറ്റുമതിയുടെ താരിഫ് അമേരിക്ക കുത്തനെ ഉയർത്തിയിരുന്നു. ഇതെതുടർന്നാണ് ഡോളറിനെ അപേക്ഷിച്ച് തുർക്കി കറൻസിയായ ലിറയുടെ മൂല്യം കുത്തനെ ഇടിഞ്ഞത്.