ആലപ്പുഴയില്‍ അമ്പത് ബോട്ടുകള്‍ പിടിച്ചെടുത്തു; രക്ഷാപ്രവര്‍ത്തനം തുടരുന്നു

ആലപ്പുഴ ജില്ലയിലെ പല മേഖലകളില്‍ നിന്നായ അമ്പതോളം ബോട്ടുകള്‍ പിടിച്ചെടുത്ത് രക്ഷാപ്രവര്‍ത്തനത്തിന് ഉപയോഗിക്കുന്നു. ജില്ലയില്‍ നിന്നുള്ള മന്ത്രി ജി. സുധാകരനാണ് ഉടമകള്‍ വിട്ടുനല്‍കാത്തതും ഒറ്റപ്പെട്ടതായി കിടക്കുന്നതുമായ എല്ലാ ബോട്ടുകളും പിടിച്ചെടുത്ത് രക്ഷാപ്രവര്‍ത്തനത്തിന് ഉപയോഗിക്കാന്‍ നിര്‍ദ്ദേശം നല്‍കിയത്. മന്ത്രിയുടെ നിര്‍ദ്ദേശമനുസരിച്ച് പിടിച്ചെടുത്ത ചെറുവള്ളങ്ങളും ബോട്ടുകളും രക്ഷാപ്രവര്‍ത്തനത്തിന് ഉപയോഗിച്ച് തുടങ്ങി. ജില്ലയിലും പരിസര പ്രദേശങ്ങളിലും ഇത്തരത്തില്‍ കിടക്കുന്ന എല്ലാ ബോട്ടുകളും പിടിച്ചെടുത്ത് രക്ഷാപ്രവര്‍ത്തനത്തിന് ഉപയോഗിക്കേണ്ടതാണ്. ചെറുവള്ളങ്ങളിലും ബോട്ടുകളിലുമായാണ് ഇതിനോടകം നിരവധി കുടുങ്ങി കിടക്കുന്നവരെ രക്ഷിക്കാന്‍ സാധിച്ചത്.