മേഘാലയയിലെ രണ്ട് മണ്ഡലങ്ങളിൽ ഇന്ന് ഉപതെരഞ്ഞെടുപ്പ്

മേഘാലയയിലെ ഏറ്റവും വലിയ ഒറ്റകക്ഷിയെ തീരുമാനിക്കാനായി രണ്ട് മണ്ഡലങ്ങളിൽ ഇന്ന് ഉപതെരഞ്ഞെടുപ്പ് നടക്കും. സൗത്ത് ടുറ, റാണികോർ എന്നീ മണ്ഡലങ്ങളിലാണ് ഉപതെരഞ്ഞെടുപ്പ് നടക്കുക. ബിജെപി സഖ്യകക്ഷിയും ഭരണ കക്ഷിയുമായ എൻപിപിയും നിലവിലെ ഏറ്റവും വലിയ ഒറ്റകക്ഷിയായ കോൺഗ്രസും തമ്മിലാണ് പോരാട്ടം.

മേഘാലയയിൽ 20 സീറ്റുകളുള്ള കോൺഗ്രസിനെ പിൻതള്ളി ബി.ജെ.പിയുമായുള്ള സഖ്യ രൂപീകരണത്തിലൂടെയാണ് 19 സീറ്റുകളുള്ള എൻ.പി.പി ഭരണത്തിലെത്തിയത്.

കോൺഗ്രസിന്റെ റാണിക്കൂർ എം.എൽ.എ മാർട്ടിൻ.എം.ഡാങ്കൂ എൻ.പി.പിയിലേക്ക് പോയതാണ് റാണിക്കൂർ നിയോചക മണ്ഡലത്തിൽ ഉപതെരഞ്ഞെടുപ്പ് നടക്കാൻ കാരണം. മാർട്ടിൻ.എം.ഡാങ്കൂ ഉപതെരഞ്ഞെടുപ്പിൽ എൻ.പി.പി സ്ഥാനാർത്ഥിയാണ്.