ജസ്റ്റിസ് രഞ്ജൻ ഗോഗോയ് ചീഫ് ജസ്റ്റിസാകും

ജസ്റ്റിസ് രഞ്ജൻ ഗോഗോയ് സുപ്രീംകോടതി ചീഫ് ജസ്റ്റിസാകും. ചീഫ് ജസ്റ്റിസ് ദീപക് മിശ്ര ഗോഗോയുടെ പേര് ശുപാർശ ചെയ്തു. സുപ്രീം കോടതി ചീഫ് ജസ്റ്റിസ് സ്ഥാനത്തു നിന്നും ഒക്ടോബർ 2 ന് വിരമിക്കാനിരിക്കുകയാണ് ദീപക് മിശ്ര.

നേരത്തെ അടുത്ത ചീഫ് ജസ്റ്റിസ് ആരാകും എന്ന് നിയമമന്ത്രാലയം ദീപക് മിശ്രയോട് ചോദിച്ചിരുന്നു. സുപ്രീംകോടതിയിലെ മുതിർന്ന ജഡ്ജിയായ രഞ്ജൻ ഗോഗോയ് അല്ലാതെ മറ്റാരെയെങ്കിലും ഈ സ്ഥാനത്തേക്ക് നിർദ്ദേശിക്കുമോ എന്നറിയാനായിരുന്നു ചോദ്യം.

നേരത്തെ ചീഫ് ജസ്റ്റിസ് ദീപക് മിശ്രയ്‌ക്കെതിരെ പരസ്യമായി രംഗത്തുവന്ന നാല് മുതിർന്ന് ജസ്റ്റിസുമാരിൽ ഒരാളായിരുന്നു ഗോഗോയ്.