തെലങ്കാനയില്‍ ബസ് മറിഞ്ഞ് 32മരണം

തെലങ്കാനയില്‍ തീര്‍ത്ഥാടകര്‍ സഞ്ചരിച്ച ബസ് മറിഞ്ഞ് 32പേര്‍ മരിച്ചു. മരിച്ചവരില്‍ ആറ് പേര്‍ കുട്ടികളാണ്. അപകടത്തില്‍ നിരവധി പേര്‍ക്ക് പരിക്കേറ്റു. ആഞ്ജനേയ സ്വാമി ക്ഷേത്രത്തില്‍ ദര്‍ശനം നടത്തി മടങ്ങിയവരാണ് അപകടത്തില്‍പ്പെട്ടത്. 62പേര്‍ ബസ്സിലുണ്ടായിരുന്നു. മലയിലെ അവസാനത്തെ വളവില്‍ നിന്ന് നിയന്ത്രണം വിട്ട ബസ് മറിയുകയായിരുന്നു. നാല് തവണ മറിഞ്ഞാണ് ബസ് കൊക്കയിലേക്ക് വീണത്.