17
Jan 2019
Thursday
Save Alappad

കന്യാസ്ത്രീകളുടെ സമരം ഒമ്പതാം ദിവസത്തിലേക്ക്; സ്റ്റീഫൻ മാത്യൂസിനെ ആശുപത്രിയിൽ പ്രവേശിപ്പിച്ചു

ജലന്ധർ പീഡനക്കേസിൽ ബിഷപ്പ് ഫ്രാങ്കോ മുളക്കലിനെ അറസ്റ്റ് ചെയ്യണമെന്നാവശ്യപ്പെട്ട് കന്യാസ്ത്രീകൾ നടത്തുന്ന സമരം ഒമ്പതാം ദിവസത്തിലേക്ക് കടന്നു. രാഷ്ട്രീയ, സാമൂഹ്യ, സാംസ്‌കാരിക രംഗങ്ങളിലെ പ്രമുഖർ ഉൾപ്പെടെ നൂറുകണക്കിനു പേരാണു പിന്തുണയുമായി സമരവേദിയിലേക്ക് എത്തുന്നത്. അതേസമയം, നിരാഹാരസമരത്തെ തുടർന്ന് ആരോഗ്യനില വഷളായ സ്റ്റീഫൻ മാത്യൂസിനെ ആശുപത്രിയിൽ പ്രവേശിപ്പിച്ചു.

സമരത്തിന് പിന്തുണയുമായി സീറോ മലബാർ സഭ മുൻ വക്താവ് ഫാ. പോൾ തേലക്കാട്ടിന്റെ നേതൃത്വത്തിൽ എറണാകുളം അങ്കമാലി രൂപതയിലെ എട്ട് വൈദികർ സമരപ്പന്തലിൽ എത്തിയിരുന്നു. കലാ-സാംസ്‌കാരിക-രാഷ്ട്രീയ രംഗത്തെ നിരവധി പേരും സമരത്തിന് ഐക്യദാർഢ്യം പ്രഖ്യാപിച്ച് രംഗത്തെത്തിയിരുന്നു.

Top