ആമസോൺ വിവരങ്ങൾ ചോർന്നു; ജീവനക്കാർക്കെതിരെ അന്വേഷണം

സ്വന്തം ജീവനക്കാർ കമ്പനിയുടെ വിവരങ്ങൾ ചോർത്തിയെന്ന ആരോപണത്തെ തുടർന്ന് ആമസോൺ കമ്പനി അന്വേഷണം ആരംഭിച്ചു.

വിവരങ്ങൾ പുറത്തുവിട്ടതിനൊപ്പം ആമസോൺ വഴി വിൽക്കുന്ന ഉൽപ്പനങ്ങളുടെ റാങ്കിങ്ങ് കൂട്ടുന്നതിനായി ഉൽപ്പനങ്ങൾക്കെതിരെയുള്ള വിമർശനങ്ങൾ നീക്കം ചെയ്യുന്നതടക്കമുള്ള ആനുകൂല്യങ്ങൾ ജീവനക്കാർ ചെയ്തുവെന്നാണ് ആരോപണം.

തെക്കൻ ചൈനീസ് നഗരമായ ഷെൻസെനിലെ ആമസോൺ ജീവനക്കാരാണ് ആമസോണിന്റെ വിൽപ്പനയുമായി ബന്ധപ്പെട്ട കണക്കുകളും ഉൽപ്പന്നങ്ങൾ വിലയിരുത്തിയവരുടെ ഈമെയിൽ അഡ്രസുകളും സ്വതന്ത്ര വിൽപ്പനക്കാർക്ക് വിറ്റത്.