ബിഷപ്പിന്റെ അറസ്റ്റ്; അന്വേഷണ സംഘത്തിന് സ്വതന്ത്രമായി തീരുമാനമെടുക്കാമെന്ന് ഡിജിപി

പീഡനക്കേസില്‍ ആരോപണ വിധേയനായ ജലന്ധര്‍ ബിഷപ്പ് ഫ്രാങ്കോ മുളയ്ക്കലിന്റെ അറസ്റ്റില്‍ അന്വേഷണസംഘത്തിന് സ്വതന്ത്രമായി തീരുമാനമെടുക്കാമെന്ന് ഡിജിപി ലോക്‌നാഥ് ബെഹ്‌റ. മുന്‍കൂര്‍ ജാമ്യാപേക്ഷ കോടതിയിലുണ്ടെങ്കിലും അത് അറസ്റ്റിന് തടസ്സമാകില്ലെന്നും ഡിജിപി മാധ്യമങ്ങളോട് പറഞ്ഞു. അതേസമയം, ചോദ്യം ചെയ്യല്‍ മൂന്നാം ദിനത്തിലേക്ക് കടക്കാതിരിക്കാനാണ് ശ്രദ്ധിക്കുന്നതെന്ന് കോട്ടയം എസ്.പി ഹരിശങ്കറും പ്രതികരിച്ചു. ബിഷപ്പിനെ ചോദ്യം ചെയ്യാന്‍ ആരംഭിച്ചിട്ടുണ്ട്. ഉച്ചയ്ക്ക് ശേഷമായിരിക്കും ബിഷപ്പിന്റെ അറസ്റ്റുമായി ബന്ധപ്പെട്ട് അന്തിമ തീരുമാനത്തിലെത്തുക.