കെട്ടിടത്തിന്റെ നാലാം നിലയിൽ നിന്ന് കമ്പി താഴെ വീണു; ബൈക്ക് യാത്രികന് ഗുരുതര പരിക്ക്

ബംഗളൂരുവിൽ നിർമ്മാണത്തിലിരുന്ന കെട്ടിടത്തിൻറെ നാലാം നിലയിൽനിന്ന് കമ്പികൊണ്ട് നിർമ്മിച്ച ഫ്രെയിം താഴെ വീണ് ബൈക്ക് യാത്രികന് ഗുരുതര പരിക്ക്. റോഡിലൂടെ ബൈക്കിൽ പോകുകയായിരുന്ന യാത്രികന്റെ തലയിലേക്കാണ് ഫ്രെയിം വീണത്. ഇയാളെ ഉടൻ ആശുപത്രിയിലെത്തിച്ചു.

ബംഗളരുവിലെ സുനകൽപ്പെട്ട് ഭാഗത്താണ് അപകടമുണ്ടായത്. ചന്ദൻ എന്ന ആളാണ് ബൈക്കിൽ സഞ്ചരിച്ചിരുന്നത്. ഇയാൾ അപകടനില തരണം ചെയ്തുവെന്ന് ഡോക്ടർമാർ അറിയിച്ചു. ഓഗസ്റ്റ് 31 ന് നടന്ന സംഭവത്തിൻറെ ദൃശ്യങ്ങൾ ഇപ്പോഴാണ് പുറത്തുവരുന്നത്. സംഭവത്തിൽ കെട്ടിട ഉടമയ്ക്കും മേൽനോട്ടക്കാരനുമെതിരെ പൊലീസ് കേസെടുത്ത് അന്വേഷണം ആരംഭിച്ചു.