17
Oct 2018
Wednesday
24 - Comming soon

പി.സി ജോര്‍ജ് എംഎല്‍എക്കെതിരെ കേസെടുത്തു

pc george

കന്യാസ്ത്രീയെ അധിക്ഷേപിച്ച കേസില്‍ പൂഞ്ഞാര്‍ എംഎല്‍എ പി.സി ജോര്‍ജിനെതിരെ കേസെടുത്തു. പീഡനക്കേസില്‍ അറസ്റ്റിലായ ഫ്രാങ്കോ മുളയ്ക്കലിനെതിരെ പരാതി നല്‍കിയ കന്യാസ്ത്രീയെ അധിക്ഷേപിച്ച കേസിലാണ് നടപടി.

കോട്ടയത്ത് നടത്തിയ വാര്‍ത്താ സമ്മേളനത്തിലാണ് കന്യാസ്ത്രീയെ അധിക്ഷേപിച്ച് പി.സി ജോര്‍ജ് സംസാരിച്ചത്. ഐ.പി.സി 509 വകുപ്പനുസരിച്ച് കുറുവിലങ്ങാട് പോലീസാണ് കേസെടുത്തിരിക്കുന്നത്. കന്യാസ്ത്രീയെ അപമാനിച്ചതിനുള്ള തെളിവുകള്‍ ലഭിച്ചിരുന്നെങ്കിലും എം.എല്‍.എ ആയതിനാല്‍ നിയമോപദേശം തേടിയിരുന്നു.

വാര്‍ത്താ സമ്മേളനത്തില്‍ കന്യാസ്ത്രീയെ അധിക്ഷേപിക്കുന്നതിനുള്ള തെളിവുകള്‍ ഉള്ളതിനാല്‍ കേസെടുക്കുന്നതില്‍ തെറ്റില്ലെന്ന് നിയമോപദേശം ലഭിച്ചു. തുടര്‍ന്നാണ് കേസെടുത്തത്. ഒരു വര്‍ഷം വരെ തടവ് ലഭിക്കാവുന്ന വകുപ്പാണിത്. കടുത്തുരുത്തി സി.ഐയുടെ നേതൃത്വത്തിലായിരുന്നു പ്രാഥമിക അന്വേഷണം നടത്തിയിരുന്നത്.

Breaking News:
നിലയ്ക്കലിൽ പ്രതിഷേധം ശക്തം
പ്രതിഷേധക്കാർ ഒരു കാർ തല്ലിതകർത്തു
സന്നിധാനത്തേക്ക് യാത്ര തുടരാനായില്ല
ആന്ധ്ര സ്വദേശിനി മടങ്ങി
Top