17
Dec 2018
Monday
24 Channel

അരങ്ങേറ്റ ടെസ്റ്റ് മത്സരത്തില്‍ ഇന്ത്യയുടെ പൃഥ്വി ഷായ്ക്ക് സെഞ്ച്വറി

രാജ്‌കോട്ടില്‍ നടക്കുന്ന വെസ്റ്റ് ഇന്‍ഡീസിനെതിരായ ടെസ്റ്റ് മത്സരത്തില്‍ ഇന്ത്യന്‍ താരം പൃഥ്വി ഷായ്ക്ക് തകര്‍പ്പന്‍ സെഞ്ച്വറി. അരങ്ങേറ്റ മത്സരത്തില്‍ ഓപ്പണറായി കളത്തിലിറങ്ങിയ ഷാ 99 പന്തില്‍ നിന്നാണ് സെഞ്ച്വറി തികച്ചത്. തുടക്കം മുതലേ ആക്രമിച്ച് കളിച്ച പതിനെട്ടുകാരനായ ഷാ 15 ഫോറുകള്‍ നേടിയാണ് സെഞ്ച്വറി നേടിയത്.

നേരത്തെ, ടോസ് ലഭിച്ച ഇന്ത്യ ബാറ്റിംഗ് തിരഞ്ഞെടുക്കുകയായിരുന്നു. ഏറ്റവും ഒടുവില്‍ റിപ്പോര്‍ട്ട് ലഭിക്കുമ്പോള്‍ ഒരു വിക്കറ്റ് നഷ്ടത്തില്‍ ഇന്ത്യ 186 റണ്‍സ് നേടിയിട്ടുണ്ട്. 78 റണ്‍സുമായി ചേതേശ്വര്‍ പൂജാരയാണ് പൃഥ്വി ഷായ്‌ക്കൊപ്പം ക്രീസില്‍. റണ്‍സൊന്നുമെടുക്കാതെ ലോകേഷ് രാഹുലിന്റെ വിക്കറ്റാണ് ഇന്ത്യയ്ക്ക് നഷ്ടമായത്.

Top