ഇന്ധന വിലവർധന; കണ്ണൂർ ജില്ലയിൽ ഇരുന്നൂറോളം സ്വകാര്യ ബസുകൾ സർവീസ് നിർത്തുന്നു

ഡീസൽ വില താങ്ങാനാകാതെ കണ്ണൂർ ജില്ലയിൽ ഇരുന്നൂറോളം സ്വകാര്യ ബസുകൾ സർവീസ് നിർത്തി വയ്ക്കുന്നു. താൽക്കാലികമായി സർവീസ് നിർത്തി വയ്ക്കാൻ സ്റ്റോപ്പേജ് മെമ്മോ നൽകിയിരിക്കുകയാണ് ബസ് ഉടമകൾ.

ഡീസൽ വില വർധന കാരണമുള്ള നഷ്ടം സഹിക്കാൻ കഴിയാതെ വന്നതോടെയാണ് ബസ് ഉടമകൾ സർവീസ് നിർത്തി വയ്ക്കുന്നത്.

ഡീസൽ വില വർധനവ് മൂലം പ്രതി ദിനം 1000 മുതൽ 1500 രൂപ വരെ അധിക ചിലവാണ് ഒരു ബസ്സിന് നേരിടേണ്ടി വരുന്നത്.