രാജ്‌കോട്ട് ടെസ്റ്റില്‍ തകര്‍ന്നടിഞ്ഞ് വിന്‍ഡീസ് ബാറ്റിംഗ് നിര

ഇന്ത്യയുടെ കൂറ്റന്‍ സ്കോര്‍ പിന്തുടര്‍ന്ന് ബാറ്റിങ്ങിനിറങ്ങിയ വെസ്റ്റ് ഇന്‍ഡീസിന് ബാറ്റിംങ് തകര്‍ച്ച. രണ്ടാം ദിനം കളിയവസാനിക്കുമ്പോള്‍ 94/6 എന്ന നിലയിലാണ് വിന്‍ഡീസ്. രണ്ട് വിക്കറ്റെടുത്ത മുഹമ്മദ് ഷമിയും ഓരോ വിക്കറ്റ് വീതം വീഴ്ത്തിയ ആര്‍.അശ്വിനും കുല്‍ദീപ് യാദവും രവീന്ദ്ര ജഡേജയുമാണ് വിന്‍ഡീസ് ബാറ്റിങ്ങിന്റെ നട്ടെല്ലൊടിച്ചത്.

നേരത്തെ ഒമ്പത് വിക്കറ്റ് നഷ്ടത്തില്‍ 649 റണ്‍സെടുത്ത് ഇന്ത്യ ആദ്യ ഇന്നിംങ്‌സ് ഡിക്ലയര്‍ ചെയ്യുകയായിരുന്നു. ക്യാപ്റ്റന്‍ വിരാട് കോഹ്‍ലിയും(139) രവീന്ദ്ര ജഡേജയും(100*) അരങ്ങേറ്റക്കാരന്‍ പൃഥ്വി ഷായും(134) നേടിയ സെഞ്ചുറികളാണ് ഇന്ത്യന്‍ സ്‌കോര്‍ 600 കടത്തിയത്.