11
Dec 2018
Tuesday
24 Channel

‘ശബരിമലയില്‍ സ്ത്രീകള്‍ക്ക് ആവശ്യമായ സൗകര്യങ്ങള്‍ ഒരുക്കും’; ദേവസ്വം ബോര്‍ഡ് നാളെ ഹൈക്കോടതിയില്‍ സത്യവാങ്മൂലം സമര്‍പ്പിക്കും

ശബരിമലയില്‍ യുവതീ പ്രവേശനം അനുവദിച്ച സുപ്രീംകോടതി വിധി നടപ്പിലാക്കാന്‍ ദേവസ്വം ബോര്‍ഡ് ഒരുക്കം തുടങ്ങി. നാളെ ഹൈക്കോടതിയില്‍ ഇക്കാര്യം അറിയിച്ച് സത്യവാങ്മൂലം നല്‍കും. ശബരിമലയില്‍ സ്ത്രീകള്‍ക്ക് ആവശ്യമായ സൗകര്യങ്ങള്‍ ഒരുക്കുമെന്നാണ് ദേവസ്വം ബോര്‍ഡ് നാളെ രേഖാമൂലം ഹൈക്കോടതിയെ അറിയിക്കുക. സ്ഥലപരിമിതി കാരണം കൂടുതല്‍ സൗകര്യങ്ങള്‍ ഒരുക്കാന്‍ പ്രയാസമുണ്ടെന്ന് ദേവസ്വം ബോര്‍ഡ് വ്യക്തമാക്കും. നിലവിലുള്ള സൗകര്യങ്ങള്‍ സ്ത്രീകള്‍ക്കുകൂടി ഉപകാരപ്രദമാകുന്ന രീതിയില്‍ മാറ്റിയെടുക്കും. പമ്പയില്‍ കുളിക്കാന്‍ സ്ത്രീകള്‍ക്ക് പ്രത്യേക സൗകര്യം ഏര്‍പ്പെടുത്താനാണ് ദേവസ്വം ബോര്‍ഡിന്റെ തീരുമാനം.

കോടതി വിധിയനുസരിച്ച് സ്ത്രീകള്‍ എത്തിയാന്‍ തടയാന്‍ സാധിക്കില്ലെന്നാണ് ദേവസ്വം കമ്മീഷ്ണറുടെ നിലപാട്. വിധി നടപ്പിലാക്കാന്‍ ദേവസ്വം ബോര്‍ഡിന് ബാധ്യതയുണ്ടെന്ന് ബോര്‍ഡ് സത്യവാങ്മൂലത്തില്‍ വ്യക്തമാക്കിയിട്ടുണ്ട്. ഒരാഴ്ചക്കകം സത്യവാങ്മൂലം സമര്‍പ്പിക്കാനായിരുന്നു ഹൈക്കോടതി ഉത്തരവിട്ടിരുന്നത്.

Breaking News:
ഛത്തീസ്ഗഡില്‍ കോണ്‍ഗ്രസ് ലീഡ് ചെയ്യുന്നു. കോണ്‍ഗ്രസ് - 64, ബിജെപി - 20, മറ്റുള്ളവര്‍ - 06
തെലങ്കാനയില്‍ ടി.ആര്‍.എസ് ലീഡ് ചെയ്യുന്നു. കോണ്‍ഗ്രസ് - 23, ടി.ആര്‍.എസ് - 85, മറ്റുള്ളവര്‍ - 08
മധ്യപ്രദേശില്‍ കോണ്‍ഗ്രസ് ലീഡ് ചെയ്യുന്നു. ബിജെപി - 110, കോണ്‍ഗ്രസ് - 109, മറ്റുള്ളവര്‍ -11
രാജസ്ഥാനില്‍ കോണ്‍ഗ്രസിന് വ്യക്തമായ ലീഡ് കോണ്‍ഗ്രസ് - 101, ബിജെപി - 75, മറ്റുള്ളവര്‍ - 23
മിസോറാം എം.എന്‍.എഫ് - 24, കോണ്‍ഗ്രസ് - 06, മറ്റുള്ളവര്‍-09
Top