17
Oct 2018
Wednesday
24 - Comming soon

ശബരിമല സ്ത്രീപ്രവേശനം; പുനഃപരിശോധനാ ഹർജി ഇന്ന് നൽകും

ശബരിമല സ്ത്രീപ്രവേശനം സംബന്ധിച്ച് പന്തളം രാജകുടുംബം ഇന്ന് പുനഃപരിശോധനാ ഹർജി നൽകും. ക്ഷേത്രാചാരങ്ങളിൽ കടന്നുകയറരുതെന്നും പ്രതിഷ്ഠയുടെ അവകാശങ്ങൾ ലംഘിക്കപ്പെട്ടുവെന്നും ചൂണ്ടിക്കാട്ടിയാകും ഹർജി നൽകുക.

വിധി പുറപ്പെടുവിച്ച് ഒരുമാസം വരെ പുനഃപരിശോധനാ ഹർജി നൽകാം. ആ കലയളവിന് ശേഷം മാത്രമേ സാധാരണഗതിയിൽ അപേക്ഷ ജഡ്ജിമാർ പരിഗണിക്കൂ. അടിയന്തര സാഹചര്യമുണ്ടെന്ന് ബോധ്യപ്പെടുത്തിയാൽ ചീഫ് ജസ്റ്റിസിന് ഹർജി നേരത്തെ പരിഗണിക്കാൻ അധികാരമുണ്ട്.

അതേസമയം, സുപ്രീംകോടതി വിധിയുടെ പശ്ചാത്തലത്തിൽ ശബരിമലയിൽ ഒരുക്കുന്ന സൗകര്യങ്ങൾ സംബന്ധിച്ച കാര്യങ്ങൾ ദേവസ്വം ബോർഡ് ഇന്ന് ഹൈക്കോടതിയിൽ അറിയിക്കും.

Top