ജമ്മു കാശ്മീരിൽ നുഴഞ്ഞുകയറാൻ ശ്രമിച്ച മൂന്ന് ഭീകരരെ സൈന്യം വധിച്ചു

ജമ്മു കാശ്മീരിലെ രാംപൂർ സെക്ടറിൽ നുഴഞ്ഞുകയറാൻ ശ്രമിച്ച പാക് ഭീകരരെ സൈന്യം വധിച്ചു.

ഭീകരർ നുഴഞ്ഞു കയറാൻ ശ്രമിക്കുന്നതായി വിവരം ലഭിച്ചതിനെ തുടർന്ന് നടത്തിയ തെരച്ചിലിൽ സൈന്യത്തിന് നേരെ വെടിവയ്പ്പുണ്ടാകുകയായിരുന്നു.

കൊല്ലപ്പെട്ട ഭീകരർ ഏത് സംഘടനയിൽപ്പെട്ടവരാണെന്ന് വ്യക്തമല്ല. മേഖലയിൽ കൂടുതൽ ഭീകരർ ഉണ്ടെന്നുള്ള സംശയത്തെ തുടർന്ന് സൈന്യത്തിന്റെ തെരച്ചിൽ പുരോഗമിക്കുകയാണ്.