ആമസോൺ തലവനും മറ്റ് മൂന്നുപേർക്കുമെതിരെ കേസ്

ഓൺലൈൻ ഷോപ്പിങ്ങ് സൈറ്റായ ആമസോണിനെതിരെ കേസ്. മൊബൈൽ ഫോണിനായി ഓൺലൈനിലൂടെ ഓർഡർ നൽകിയിട്ട് പകരം സോപ്പ് നൽകി വഞ്ചിച്ചുവെന്നാണ് ഉപഭോക്താവിന്റെ പരാതി. ആമസോൺ തലവനും മറ്റു മൂന്നു പേർക്കുമെതിരെയാണ് നോയിഡയ്ക്ക് സമീപമുള്ള ബിസരഖ് പോലീസ് സ്‌റ്റേഷനിൽ പരാതി രജിസ്റ്റർ ചെയ്തിരിക്കുന്നത്.

ആമസോൺ വെബ്‌സൈറ്റിലൂടെയാണ് പരാതിക്കാരൻ ഫോണിന് ഓർഡർ നൽകിയത്. എന്നാൽ പാഴ്‌സൽ വന്നപ്പോൾ ഫോണിന് പകരം ലഭിച്ചത് സോപ്പാണ്. ഇതെ തുടർന്നാണ് ഉപഭോക്താവ് പരാതി നൽകിയത്.

പരാതിയെ തുടർന്ന് ആമസോണിന്റെ ഇന്ത്യൻ മേധാവി അമിത് അഗർ വാൾ, ഓർഡറുകളിലെ സാധനങ്ങൾ എത്തിച്ചു കൊടുക്കുന്ന ഇടനിലസ്ഥാപനമായ ദർശിത പ്രൈവറ്റ് ലിമിറ്റഡിന്റെ ഡയറക്ടർമാരായ പ്രദീപ് കുമാർ, റാവിഷ് അഗർ വാൾ, ഡെലിവറി ബോയ് അനിൽ എന്നിവർക്കെതിരെ എഫ്‌ഐആർ രജിസ്റ്റർ ചെയ്തു.