കനത്ത മഴ; നെയ്യാർ ഡാമിന്റെ നാല് ഷട്ടറുകൾ ഉയർത്തി; തീരപ്രദേശത്തുള്ളവരോട് ജാഗ്രത പാലിക്കാൻ നിർദ്ദേശം

കനത്ത മഴയെ തുടർന്ന് നെയ്യാർ ഡാമിന്റെ നാലു ഷട്ടറുകൾ ഉയർത്തി. ഒരടിവീതമാണ് ഷട്ടറുകൾ ഉയർത്തിയിരിക്കുന്നത്. പേപ്പാറ ഡാമിന്റെ ഒരു ഷട്ടറും തുറക്കാനാണ് തീരുമാനം. ഷട്ടറുകൾ തുറന്നതിനെ തുടർന്ന് നെയ്യാറിന്റെ ഇരുകരകളിലുമുള്ളവരും കരമനയാറിന്റെ തീരത്തുള്ളവരും ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.

അതേസമയം തിരുവനന്തപുരത്തിന് പുറമെ കൊല്ലം, ആലപ്പുഴ, പത്തനംതിട്ട എന്നീ ജില്ലകളിലും ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്.