ദേവസ്വം ബോര്ഡ് സുപ്രീം കോടതിയില് ഹര്ജി നല്കി
ശബരിമല യുവതീ പ്രവേശന വിധി നടപ്പിലാക്കാന് സാവകാശം തേടി ദേവസ്വം ബോര്ഡ് സുപ്രീം കോടതിയെ സമീപിച്ചു. ദേവസ്വം ബോര്ഡ് കോടതിയില് ഹര്ജി നല്കിയിട്ടുണ്ട്. അടിസ്ഥാന സൗകര്യങ്ങളുടെ അപര്യാപ്തത ചൂണ്ടിക്കാണിച്ചാണ് വിധി നടപ്പിലാക്കാന് സാവകാശം അനുവദിക്കണമെന്ന് ദേവസ്വം ബോര്ഡ് ആവശ്യപ്പെട്ടിട്ടുള്ളതെന്ന് സൂചന. യുവതീ പ്രവേശനം സാധ്യമാക്കാന് പരിമിതികളുണ്ടെന്ന് ബോര്ഡ് കോടതിയെ അറിയിക്കും.
സാവകാശം തേടിയുള്ള ഹർജി നൽകാമെന്ന കാര്യത്തിൽ അനുകൂലമായ നിയമോപദേശം കിട്ടിയ സാഹചര്യത്തിലാണ് സുപ്രീംകോടതിയെ സമീപിക്കുന്നതെന്ന് നേരത്തേ പദ്മകുമാർ വ്യക്തമാക്കിയിരുന്നു. സുപ്രീംകോടതി വിധി നടപ്പാക്കാൻ എല്ലാവരും ബാധ്യസ്ഥരാണ്. വിധി നടപ്പാക്കുന്നതിൽ സാവകാശം വേണമെന്ന് മാത്രമാണ് ബോർഡ് ആവശ്യപ്പെടുക.
സുപ്രീംകോടതിയിൽ ദേവസ്വംബോർഡിന് വേണ്ടി ഹാജരാകുന്നത് അഡ്വ. ചന്ദ്രോദയ് സിംഗാണെന്ന് ദേവസ്വംബോർഡ് നേരത്തേ നിശ്ചയിച്ചിരുന്നു. ഒപ്പം ദേവസ്വംബോർഡിന്റെ അഭിഭാഷകൻ, അഡ്വ.സുധീറും സുപ്രീംകോടതിയിൽ ബോർഡിനെ പ്രതിനിധീകരിക്കും.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here