ജസ്റ്റിസ് ലോയയുടെ മരണം റേഡിയോ ആക്ടീവ് പോയിസണിങ്ങ് കാരണം: അഭിഭാഷകൻ സതീഷ്

അന്തരിച്ച ജസ്റ്റിസ് ബിഎച് ലോയയുടെ മരണം റേഡിയോ ആക്ടീവ് ഐസോടോപ് പോയിസണിങ്ങ് മൂലമെന്ന് അഭിഭാഷകൻ സതീഷ് ഉകെ. ബോംബെ ഹൈക്കോടതിയിലെ നാഗ്പൂർ ബെഞ്ചിലാണ് സതീഷ് ിത് സംബന്ധിച്ച ഹർജി സമർപ്പിച്ചത്.

ദുരൂഹ സാഹചര്യത്തിൽ അന്തരിച്ച അഭിഭാഷകരായ ശ്രീകാന്ത് ഖണ്ടാൽക്കറും പ്രകാശ് തോംബ്രെയുമാണ് ലോയയുടെ മരണത്തിന് പിന്നിലെ ഈ രഹസ്യം തന്നെ അറിയിച്ചതെന്ന് 209 പേജുള്ള ക്രിമിനൽ പെറ്റീഷനിൽ അഭിഭാഷകൻ സതീഷ് ഉകെ പറയുന്നു.

ബിജെപി അധ്യക്ഷൻ അമിത് ഷാ അറ്റോമിക് എനർജി കമ്മീഷൻ ചെയർമാൻ രത്തൻ കുമാർ സിൻഹയുമായി കൂടിക്കാഴ്ച്ച നടത്തിയെന്നും പെറ്റീഷനിൽ പറയുന്നു. 2015 മാർച്ചിൽ മൂന്ന് ദിവസം നീണ്ട നാഗ്പൂർ സന്ദർശനത്തിനിടെയായിരുന്നു ഇത്. എന്നാൽ ഇത് സംബന്ധിച്ച ഔദ്യോഗിക രേഖകളെല്ലാം മായ്ച്ച് കളഞ്ഞുവെന്നും പെറ്റീഷനിൽ പറയുന്നു.