18
Feb 2019
Monday
Kuttanadu

മജീദ് മജീദി ഐഎഫ്എഫ്‌കെ അന്താരാഷ്ട്ര മത്സരവിഭാഗം ജൂറി ചെയർമാൻ

majid majidi to head IFFK internatinal film jury

ഐഎഫ്എഫ്‌കെയുടെ അന്താരാഷ്ട്ര മത്സരവിഭാഗം ജൂറി ചെയർമാനായി വിഖ്യാത ഇറാനിയൻ സംവിധായകനായ മജീദ് മജീദി എത്തും. മജീദിയുടെ മുഹമ്മദ് : ദ് മെസഞ്ചർ ഓഫ് ഗോഡ് എന്ന ചിത്രം മേളയിൽ പ്രദർശിപ്പിക്കും. 2015 ൽ നിർമ്മിച്ച ഈ ചിത്രം പ്രവാചകനായ മുഹമ്മദ് നബിയുടെ ബാല്യകാലമാണ് ആവിഷ്‌കരിക്കുന്നത്.

ഇറാനിയൻ സിനിമയുടെ ചരിത്രത്തിൽ തന്നെ ഏറ്റവും ചെലവേറിയ ഈ ചിത്രത്തിന് സംഗീതം പകർന്നിരിക്കുന്നത് എആർറഹ്മാനാണ്. തമിഴ് സംവിധായകനായ വെട്രിമാരൻ, മറാത്തി സംവിധായകനായ ഉമേഷ് കുൽക്കർണി, ഫിലിപ്പിനോ സംവിധായകനായ അഡോൽഫോ അലിക്‌സ് ജൂനിയർ എന്നിവരാണ് മറ്റ് ജൂറി അംഗങ്ങൾ. വെട്രിമാരന്റെ വടചെന്നൈ, ഉമേഷ് കുൽക്കർണിയുടെ ഹൈവേ, അഡോൽഫോ അലിക്‌സ് ജൂനിയറിന്റെ ഡാർക്ക് ഈസ് ദ നൈറ്റ് എന്നീ ചിത്രങ്ങൾ ജൂറി ഫിലിംസ് വിഭാഗത്തിൽ പ്രദർശിപ്പിക്കും.

Top