പ്രതിപക്ഷം സഭ വിട്ടിറങ്ങി

ശബരിമലയിലെ നിരോധനാജ്ഞ പിന്‍വലിക്കണമെന്നാവശ്യപ്പെട്ട് പ്രതിപക്ഷം സഭ വിട്ടിറങ്ങി. ചോദ്യോത്തര വേള ബഹിഷ്കരിച്ചാണ് പ്രതിപക്ഷം സഭ ബഹിഷ്കരിച്ചത്. പതിമൂന്നാം നിയമസഭാ സമ്മേളനം ഇന്ന് അവസാനിക്കും. കഴിഞ്ഞ 27 ന് ആരംഭിച്ച സമ്മേളനം പൂർണമായും പ്രതിപക്ഷ പ്രതിഷേധത്താൽ പ്രക്ഷുബ്ധമായിരുന്നു. പ്രതിപക്ഷമില്ലാതെ ചോദ്യോത്തര വേള ഇപ്പോള്‍ പുരോഗമിക്കുകയാണ്.

സഭാ സമ്മേളനം ഇന്നും ബഹളമയമാകാനാണ് സാധ്യത. അതേസമയം ശബരിമല പ്രശ്നങ്ങളിൽ പരിഹാരം തേടി പ്രതിപക്ഷ എംഎൽഎമാർ സഭാ കവാടത്തിൽ നടത്തുന്ന ഉപവാസ പ്രതിഷേധം ഇന്ന് പതിനൊന്നാം ദിവസത്തിലേക്ക് കടക്കും. സഭാ സമ്മേളനം അവസാനിക്കുന്നതോടെ സഭ ഇന്ന് അനിശ്ചിതകാലത്തേക്ക് പിരിയുകയും ചെയ്യും.