വൈദ്യുതിയും ഇനി റീചാര്‍ജ് ചെയ്ത് ഉപയോഗിക്കാം; പുതിയ മീറ്റര്‍ വരുന്നു
0 minutes Read
2019 മുതല്‍ പുതിയ വൈദ്യുത മീറ്ററുകള്‍ വരുന്നു. അടുത്ത വര്‍ഷം ഏപ്രില്‍ ഒന്നു മുതല്‍ രാജ്യത്തെ എല്ലാ സംസ്ഥാനങ്ങളിലും പ്രീ പെയ്ഡ് വൈദ്യുത മീറ്ററുകള്‍ ഏര്‍പ്പെടുത്താനാണ് ശ്രമം. ഇത്തരം മീറ്ററുകള്‍ സ്ഥാപിക്കുന്നതോടെ വൈദ്യുതിയുടെ അമിതോപയോഗത്തിന് ഒരു പരിധി വരെ തടയിടാന്‍ സാധിക്കുമെന്നാണ് കരുതുന്നത്.
പ്രീ പെയ്ഡ് മീറ്ററുകള്‍ സ്ഥാപിക്കുന്നതുവഴി മൊബൈല്‍ ഫോണുകള്‍ റീചാര്‍ജ് ചെയ്യന്നതുപോലെ പ്രീ പെയ്ഡ് മീറ്ററുകളും റീചാര്‍ജ് ചെയ്യാന്‍ സാധിക്കും. ഇതുപ്രകാരം ആവശ്യത്തിന് തുക നേരത്തെ അടച്ച് റീചാര്‍ജ് ചെയ്യാം. റീചാര്‍ജ് തുകയ്ക്ക് അനുസരിച്ചായിരിക്കും വൈദ്യുതി ഉപയോഗിക്കാന്‍ സാധിക്കുക. റീചാര്‍ജ് തുക തീര്‍ന്നാല്‍ വൈദ്യുതി നിലയ്ക്കും. വീണ്ടും വൈദ്യുതി ലഭിക്കണമെങ്കില്‍ ഉപഭോക്താവിന് നല്‍കുന്ന കാര്‍ഡ് റീചാര്‍ജ് ചെയ്യേണ്ടിവരും.
ഓരോ ദിവസത്തെ വൈദ്യുത ഉപയോഗത്തെക്കുറിച്ച് ഉപഭോക്താക്കള്‍ക്ക് കൃത്യമായ റിപ്പോര്‍ട്ടുകളും നല്‍കും. റീചാര്‍ജ് ചെയ്ത തുക തീര്‍ന്നുപോകുമെന്ന ഭയത്താല്‍ മിക്കവരും വൈദ്യുതിയുടെ ഉപയോഗം മിതപ്പെടുത്താന്‍ സാധ്യതയുണ്ട്. വിവിധ സംസ്ഥാനങ്ങളില്‍ പരീക്ഷിച്ച് വിജയിച്ച പദ്ധതിയാണിത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English