വെളിച്ചമില്ല; പൂന്തുറയില്‍ കാണാതായവര്‍ക്ക് വേണ്ടിയുള്ള തിരച്ചില്‍ അവസാനിപ്പിച്ചു

വെളിച്ചമില്ലാത്തതിനാല്‍ പൂന്തുറയില്‍ കടലില്‍ കുളിക്കാനിറങ്ങി കാണാതായവര്‍ക്ക് വേണ്ടിയുള്ള തിരച്ചില്‍ അവസാനിപ്പിച്ചു. അപകടത്തില്‍ രണ്ട് പേര്‍ മരിച്ചിരുന്നു. ഇന്ന് ആറ് മണിയോടെയാണ് ഏഴംഗ സംഘം ഇവിടെ കുളിക്കാന്‍ എത്തിയത്. അഞ്ച് പേരാണ് കടലില്‍ ഇറങ്ങിയത്. റമീസ്, ഇബ്രാഹിം, എന്നിവരാണ് മരിച്ചത്.ബീമാ പള്ളി സ്വദേശികളാണിവര്‍. അലി അക്ബര്‍ എന്ന കുട്ടി അതീവ ഗുരുതരാവസ്ഥയില്‍ തിരുവനന്തപുരം മെഡിക്കല്‍ കോളേജില്‍ ചികിത്സയിലാണ്.   കാണാതായ രണ്ട് പേര്‍ക്കായി തെരച്ചില്‍ തുടരുകയാണ്. ബിസ്മില്ല, നവാബ് എന്നിവരെയാണ് ഇനി കണ്ടെത്താനുള്ളത്.  ഇവര്‍ മുമ്പും ഇവിടെ കുളിക്കാനെത്തിയവരാണ്. തിരച്ചില്‍ നാളെ തുടരും.