തലശ്ശേരിയിൽ സിപിഎം പ്രവർത്തകന്റെയും ആർഎസ്എസ് പ്രവർത്തകന്റെയും വീടിന് നേരെ ആക്രമണം

ആർഎസ്എസ് വിഭാഗ് സംഘചാലക് കണ്ണൂർ തലശേരിയിലെ കൊളക്കാേട്ട് ചന്ദ്രശേഖരന്റെ വീടിന് നേരെ അക്രമം. അതിക്രമിച്ചെത്തിയ പതിനഞ്ചംഗ സംഘം ചന്ദ്രശേഖരനെ ഉപദ്രവിക്കാൻ ശ്രമിക്കുകയും വീട്ടിലെ സാധനങ്ങൾ പൂർണമായും അടിച്ച് തകർക്കുകയും ചെയ്തു. പരിക്കേറ്റ അദ്ദേഹത്തെ തലശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

തലശേരി തിരുവങ്ങാട് സിപിഎം ഏരിയാ കമ്മിറ്റി അംഗത്തിന്റെ വീടിന് നേരെയും ആക്രമണമുണ്ടായി. വാഴയിൽ ശശിയുടെ വീടാണ് മുഖംമൂടിസംഘം അടിച്ചു തകർത്തത്.