സംഘപരിവാർ സംഘടനകളുടെ സംയുക്ത സമ്മേളനത്തിന് ചെന്നൈയില്‍ തുടക്കം

സംഘപരിവാർ സംഘടനകളുടെ സംയുക്ത സമ്മേളനത്തിന് ഇന്ന് ചെന്നൈയിൽ തുടക്കമാകും. അയോധ്യ വിഷയത്തിൽ സ്വീകരിക്കേണ്ട തുടർ നടപടികളാണ് യോഗം പ്രധാനമായും പരിഗണിയ്ക്കുക. നാല് ദിവസം നീണ്ടു നിൽക്കുന്ന സമ്മേളനത്തിൽ ആർ.എസ്.എസ്സും വി.എച്ച്.പി യും അടക്കം 30 സംഘപരിവാർ സംഘടനകൾ ഭാഗമാകും. അയോധ്യ വിഷയത്തിൽ കേന്ദ്രസർക്കാർ ഓർഡിനൻസ് പുറപ്പെടുവിയ്ക്കാൻ വൈകുന്ന സാഹചര്യത്തിൽ സ്വീകരിയ്ക്കേണ്ട തുടർ നിലപാടിൽ സമ്മേളനം ധാരണ രൂപപ്പെടുത്തും. അതേസമയം ശബരിമല വിഷയം യോഗത്തിൽ ചർച്ച ചെയ്യില്ലെന്നാണ് സൂചന. അതേസമയം ശബരിമല വിഷയത്തിൽ സംസ്ഥാന സർക്കാർ നടപടികളെ വിമർശിയ്ക്കുന്ന പ്രമേയം സമ്മേളനം പുറപ്പെടുവിയ്ക്കും.