സി പി എം സംസ്ഥാന സെക്രട്ടറിയേറ്റ് യോഗം ഇന്ന്

ആലപ്പാട് കരിമണൽ ഖനന വിവാദം കത്തിനിൽക്കെ സി പി എം സംസ്ഥാന സെക്രട്ടറിയേറ്റ് യോഗം ഇന്ന്. ചർച്ച പരാജയപ്പെട്ടുകയും സമരം തുടരുമെന്നും തീരുമാനിച്ച സാഹചര്യത്തിൽ തുടർ കാര്യങ്ങൾ സെക്രട്ടറിയേറ്റ് ചർച്ച ചെയ്യും. ഖനനം നിർത്തി ഐആർഇ യെ അടച്ചിട്ട് സമരം അവസാനിപ്പിക്കണമെന്ന നിലപാട് സി പി എമ്മിനില്ലെന്നാണ് സൂചന. സീ വാഷിംങ് നിർത്തി വെയ്ക്കാമെന്ന സർക്കാർ നിലപാടിനൊപ്പമാണ് സി പി എമ്മും .അതേ സമയം ഫെബ്രുവരി പകുതിയോടെ ആരംഭിക്കുന്ന തെരഞ്ഞെടുപ്പ് പ്രചരണ ജാഥയെ കുറിച്ചും സെക്രട്ടറിയേറ്റ് ചർച്ച ചെയ്യും