ബിജെപി പ്രകടനത്തിനിടെ സി.ഐ.യ്ക്ക് ആക്രമണം: 4 പേര് അറസ്റ്റില്
പാലക്കാട് പട്ടാമ്പിയില് സി. ഐ. യ്ക്കു നേരെയുണ്ടായ ആക്രമണവുമായി ബന്ധപ്പെട്ട് നാല് പേരെ അറസ്റ്റ് ചെയ്തു. പട്ടാമ്പി സ്വദേശികളായ മഹേഷ്, ജയകൃഷ്ണന്, സുഭാഷ്, ശ്രീരാജ് എന്നിവരാണ് അറസ്റ്റിലായത്. പട്ടാമ്പി ഓങ്ങല്ലൂരില് കഴിഞ്ഞ ദിവസം ബി.ജെ.പി.യുടെ പ്രകടനത്തിനിടെയാണ് പട്ടാമ്പി സി ഐ പി.വി.രമേഷിന് നേരെ ആക്രമണമുണ്ടായത്. ബിജെപി പ്രവര്ത്തകരുടെ കൈയ്യില് ആയുധങ്ങള് കണ്ടതിനെക്കുറിച്ച് അന്വേഷിക്കാനെത്തിയപ്പോഴാണ് ഒരു സംഘം മര്ദ്ദിച്ചത്.
സി.ഐ.യുടെ കൈയ്ക്ക് പരിക്കേറ്റു. സംഭവത്തില് കണ്ടാലറിയാവുന്ന 16 പേര്ക്കെതിരെയാണ് പോലീസ് കേസെടുത്തിരിക്കുന്നത്. ഓങ്ങല്ലൂരില് കഴിഞ്ഞ ദിവസം ചുവരെഴുത്തുമായി ബന്ധപ്പെട്ടുണ്ടായ തര്ക്കത്തെത്തുടര്ന്ന് സി.പി.എം.-ബി.ജെ.പി. സംഘര്ഷമുണ്ടായിരുന്നു. ഇതിന്റെ ഭാഗമായാണ് ഇരുവിഭാഗങ്ങളും ശനിയാഴ്ച വൈകീട്ട് പ്രകടനം നടത്തിയത്. ഷൊര്ണൂര് ഡി.വൈ.എസ്.പി. എന്. മുരളീധരന്റെ നേതൃത്വത്തില് പോലീസ് അന്വേഷണം തുടങ്ങി. പരിക്കേറ്റ സി.ഐ പി.വി.രമേഷിനെ പട്ടാമ്പി താലൂക്ക് ആശുപത്രിയില് പ്രവേശിപ്പിച്ചിരിക്കുകയാണ്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here