ശബരിമലയില്‍ സമരം നടത്തിയത് ജാതിമേധാവിത്വമുള്ളവരെന്ന് മുഖ്യമന്ത്രി

യുവതികള്‍ കയറുന്നതിനെതിരെ ശബരിമലയില്‍ സമരം നടത്തിയത് ജാതിമേധാവിത്വമുള്ളവരാണെന്ന് മുഖ്യമന്ത്രി പിണറായി വിജയന്‍. സമരം വിജയിച്ചില്ലെന്ന് ബി.ജെ.പി. തന്നെ സമ്മതിച്ചിരിക്കുകയാണ്. വിശ്വാസികളെ ഒരുമിപ്പിക്കുന്നതില്‍ അവര്‍ പരാജയപ്പെട്ടെന്നും പിണറായി പറഞ്ഞു.

സ്ത്രീകള്‍ക്കെതിരായ നീക്കം പണ്ടും സമൂഹത്തില്‍ ഉണ്ടായിരുന്നു. ബ്രാഹ്മണരുടെ കൂട്ടത്തിലാണ് സ്ത്രീകള്‍ക്ക് ഏറ്റവുമധികം പീഡനങ്ങള്‍ നേരിടേണ്ടി വന്നത്. പുരുഷന് തുല്യമായി തന്നെ സ്ത്രീയ്ക്കും അധികാരം നേടാന്‍ കഴിഞ്ഞത് സമൂഹത്തിന്റെ കരുത്തായി കാണേണ്ടതാണെന്നും മുഖ്യമന്ത്രി കൂട്ടിച്ചേര്‍ത്തു.