ഇപിഎസ് ഒപിഎസ് പക്ഷത്തിന് തിരിച്ചടി

ശശികലയെ ജനറൽ സെക്രട്ടറിസ്ഥാനത്തുനിന്ന് പുറത്താക്കാനുള്ള ജനറൽ കൗൺസിൽ യോഗം വിളിക്കുന്നത് സംബന്ധിച്ച് തീരുമാനം എടുക്കാന്‍ വിളിച്ച് കൂട്ടിയ യോഗത്തില്‍ നാല്പതോളം എംഎല്‍എമാര്‍  എത്തിയില്ല. മുഖ്യമന്ത്രി എടപ്പാടി പളനിസ്വാമിയാണ് നേതൃയോഗം വിളിച്ചത്. ടിടിവി ദിനകരന്‍ പിടിമുറുക്കുകയാണെന്നാണ് സൂചന.

വിശ്വാസവോട്ടെടുപ്പ് നടത്തുന്ന കാര്യത്തിൽ രണ്ട് ദിവസത്തിനകം ഗവർണർ തീരുമാനമെടുക്കുമെന്ന് സൂചനയുണ്ട്.  ശശികലയെ പുറത്താക്കിയാൽ 25 എംഎൽഎമാരും സർക്കാരിനുള്ള പിന്തുണ പിൻവലിയ്ക്കുമെന്ന് ടിടിവി ദിനകരൻ തേനിയിൽ നടന്ന വാർത്താ സമ്മേളനത്തില്‍ വ്യക്തമാക്കിയിരുന്നു.